MATERI BAHASA JAWA : GEGURITAN & TEMBUNG NGOKO NGOKO ALUS LAN KRAMA INGGIL

 GEGURITAN & TEMBUNG NGOKO NGOKO ALUS LAN KRAMA INGGIL

A. Geguritan

Pengertian Geguritan (Puisi Jawa):

Miturut bausastra Jawa, geguritan iku karangan kang pinathok kaya tembang, ananging guru gatra, guru wilangan lan guru lagune ora ajeg. Geguritan kagolong karya sastra tulis. Tembung geguritan asale saka tembung "gurit". Gurit tegese kidung utawa tembang tulisan awujud tatahan kanthi paugeran tartamtu. Nggurit tegese ngarang tembang, kidung utawa rerepen.

Sing kudu digatekake nalika maca geguritan yaiku:

1. Wicara: pocapan
2. Wirama: irama/lagu
3. Wiraga: solahe raga, pasemon
4. Wirasa: pangrasa    

Geguritan saiki wis ora jumbuh karo paugeran, akeh-akeh wis ana pangaribawaning jaman, saengga geguritan saiki wis beda karo giritan jaman biyen, tegese wis mardika. Titikane guritan yaiku ora kawengku ing pathokan, migunakake tembung-tembung kang pinilih, cacahe larik ora katemtokake, sajak pungkasane bebas mardika, ora nggunakake basa padinan, arng-arang nggunakake tembung pangiket, migunakake tembung kawi, isine mentes, lan migunakake purwakanthi basa, swara lan sastra. 

 

Pituduh carane gawe geguritan:      

1. nemtokake tema
2. milih tetembungan kang mentes, endah lan cekak, 
3. paramasatra
4. menehi irah-irahan kang jumbuh karo isine geguritan,

Guritan iku dibedakake dadi 2, yaiku :
1. Geguritan Gagrag Kuna/Lawas
Titikane/pathokane:

1. cacahing gatrane ora ajeg, nanging sethitike papat
2. cacahing wanda ing gatra siji lan sijine kudu padha akehe
3. tibaning swara (guru lagune) kudu runtut
4. sangarepe geguritan, diwiwiti nganggo tembung "sun nggegurit" 

Tuladha:

sun nggegurit:
Kahanan zaman saiki
Sipat pemudha-pemudhi
Srawunge saya ndadi
Raket wewekane sepi
Tan kadi zaman nguni
Srawunge sarwa ngati-ati

Yen manut wasiting kuna
Priya srawung lan wanita
Gampang ketaman panggodha
Nerak ing laku susila
Temah darbe jeneng ala
Wusanane tibeng bapa. 

 2. Geguritan Gagrag Anyar

Dene geguritan utawa guritan anyar nduweni pathokan :

1. Tembung-tembunge pilihan
2. Isine mentes 
3. Cacahe gatra/larikan ora katemtokake
4. Arang nganggo tembung salugune/denotasi
5. Akeh nganggo tembung kiasan/konotasi
6. Ora nganggo tembung sun gegurit

Tuladha (contoha)

Urip ing bebrayan Bebrayan
agung Indonesia ... Beda
pulo lan budayane ... Beda
tradisi lan pakaryane
Beda suku, beda basa dhaerahe
Jawa, Sundha, Madura, Batak
Sambas, Sangir, Samin, Dayak
Toraja, Tidore, Ternate, lan Sasak

Nadyan beda-beda nanging tetep guyub rukun
Nadyan beda-beda nanging tetep ayem tentrem

Beda agama, beda kapitayane
Nadyan beda-beda nanging tetep guyub rukun
Nadyan beda-beda nanging tetep ayem tentrem

Endahing urip bebrayan
Ajen-ingajen bantu-binantu
Nggayuh bebrayan adil makmur
Lelandhesan sesanti Bhineka Tunggal Ika
Dadyan lambang ing nagri
Cinengkerem peksi Garuda Pancasila

B. Tembung Ngoko – Krama Madya (ngoko alus) – Krama Inggil

1. Abang - Abrit - Abrit = Merah

2. Aku - Kula - Kawula, Abdi = Aku, Saya

3. Bali - Mantuk - Kundur = Pulang

4. Biyen - Riyin - Rumiyin = Dulu

5. Carita - Cariyos - Cariyos = Cerita

6. Cekel - Cepeng - Asta = Pegang

7. Dadi - Dados - Dados = Jadi

8. Duwe - Gadhah - Kagungan = Punya

9. Eling - Eling - Emut, Enget = Ingat

10. Endi - Pundi - Pundi = Mana

11. Gawa - Bekta - Asta = Bawa

12. Gelem - Purun - Kersa = Mau, Ingin

13. Ilang - Ical - Ical = Hilang

14. Iwak - Ilam - Ulam = Daging

15. Jaluk - Nedi - Nyuwun = Minta

16. Jupuk - Pendhet - Pundhut = Ambil

17. Kabeh - Sedaya - Sedanten = Semua

18. Kowe - Sampeyan - Panjenengan = Kamu

19. Lagi - Saweg - Nembe = Sedang

20. Lara - Sakit - Gerah = Sakit

21. Maca - Maca - Maos = Membaca

22. Melu - Tumut - Ndherek = Ikut

23. Ngadeg - Ngadeg - Jumeneng = Berdiri

24. Ngaso - Kendel - Kendel = Istirahat

25. Ombo - Wiyar - Wiyar = Luas

26. Oleh - Angsal - Pikantuk = Dapat

27. Panas - Benter - Benter = Panas

28. Putih - Pethak - Pethak = Putih

29. Rekasa - Rekaos - Rekaos = Susah

30. Rusak - Risak - Risak = Rusak

31. Salin - Gantos - Gantos = Ganti

33. Sapi - Lembu - Lembu = Sapi

34. Tandang gawe - Nyambut Damel - Ngasta Damel = Kerja

35. Tilik - Tuwi - Tuwi = Menengok, Membesuk

36. Udan - Jawah - Jawah = Hujan

37. Uyah - Sarem - Sarem = Garam

38. Wani - Wantun - Wantun = Berani

39. Wedi - Ajrih - Ajrih = Takut

40. Yekti - Yektos - Yektos = Tenan, Nyata

41. Yen - Menawi - Menawi = Kalau